bike to work 2017
da ich bi mine letschte drü bricht bike to work scho erwähnt han, schrieb ich jetzt da no en ganze bitrag zu dem thema. immerhin hät's mich de ganzi letschti monet beschäftiged. im wahrsten sinne des wortes. ich bin nämlich schlussendlich fasch 54 stund im sattel ghöckled. das hät mich 756km wiet bracht und ich han total über 8300 höhemeter bewältiged und lut biketowork.ch 109kg CO2 igspart. das mit 13 mal durch's sihltal is büro z fahre, je vier mal über de albis und d buechenegg vom büro hei.
