wiedergutmachung isch ziel gsi und au erreicht worde.
für d olivia isch es s ersti renne gsi, mir isch es wie s erschti vorcho.
am sempachersee bin ich ersch eimal gstarted und das isch im 2003 gsi. zudem
isch s village a me neue ort gsi. so isch mir chli alles wi bi me neue renne
eine vo dene vielne bin ich gsi :-)
|
vorcho. unterwägs han ich denn aber scho es paar stelle trofte, wo mir bekannt
vorcho sind.
d masse wo am start gsi isch, isch beidruckend gsi. mir sind relativ wiet hine
gstarted. de stephan, de simon (en andere ITL-skater) und ich händ zersch emal
ganz viel überholt und händ denn es guets trio bildet. natürlich sind mir nid
z dritte bliebe, hinter üs hät sich e langi schlange bildet. das isch denn au
bald zum erste problemli worde: wo mir üs abglöst händ mit de füerigsarbet, sind
mir verschiede wiet hine i de gruppe igstiege, so han ich gmeint, mir heiged
de sephan verlore, chli später isch er wieder uftaucht. er isch nur chli wieter
hine i de gruppe gsi als de simon und ich. zum schluss vo de erschte rundi sind
mir aber wieder vereint a de spitze vo de gruppe gsi.
zu beginn vo de zweite rundi hät de stephan gmeint, er mögi das tempo nüme
d manne-spitze
|
lang mit ga. ich han ihn no chli motiviere probiert. wo ich chli später aber
nomal hinter mich gluegt han, isch niemert me ume gsi. vo dem moment a, han
ich mich klar an simon ghalte. mit em stephan isch au grad
de ganzi hinterli teil vo de gruppe verschwunde. mit üserer chlinnere gruppe
hät s lang guet funktioniert. erscht gege de schluss, i de hüggel ine, isch
nomal e anderi gruppe näbed üs uftaucht. denn isch wieder hektik uf cho.
sobald di eint gruppe chli vor gfahre isch, händ us de andere gruppe sofort
jenschti welle umstiege und so händ sich d gruppene ufgöst und nach me wili
hät sich wieder ei neui bilded. di hintere händ wohl welle füre fahre, jedefalls
isch s gliche spiele mehrmals wiederholt worde. jedesmal sind mir natürlich
innerhalb vo de gruppe zrugg gfalle und jedes mal isch de simon wieder füre
gfahre, ich immer im schlepptau. vorne fahre isch halt agnehmer, es git weniger
"handorgle-effekt" und d surzgfahr isch au chlinner. zudem kontrolliert me halt
s feld besser. i de letschte stiegig sind mir z vorderst gsi. grad wo de siomen
d füerig a mich abgä hät, isch eine näbed üs vor gfahre, ich hett en zie la
(müesse), de simon hät en aber gstellt, ich han wieder vo sinem windschatte
provitiert. so händ mir denn d positione zwei und drü i de letschte abfahrt
gha. chum i de ebeni, isch wieder en einzelne skater, wo bereits zum schlussspurt
agsetzt hät, a üs verbi zoge, mir sind en natürlich sofort gfolgt. debi hät sich
d gruppe chli ufglöst. zum neu formiere händ mir kei ziit me gha, scho isch di
scharfi linkskurve cho, di chlini abfahrt uf s brüggli zue und denn nomal rechts
und wieder links und denn 150m grad bis über d ziel-lienie. ich hetti nid welle
wüsse, wie das im pulk gsi wär. de ziel-ilauf isch absolut kriminell! so isch
es aber guet gsi. mir händ nomal alles gä um die kurve ich han probiert de simon
d weltcup-fahrer bi de durchfahrt in sursee nach 21km
|
z überhole, han mir debi überleit, ob ich das überhaupt dörf, immerhin hät er
für mich viel arbet gmacht unterwägs. so hät denn au de letschti biss gfählt
und ich bin knapp hinter ihm is ziel cho. i de rangliste bini aber doch vor ihm!
mit de ziit bin ich z friede. ich bin nur es paar sekündeli langsamer gsi als
2003. es hät aber glanged, um ganzi 40 plätz besser z sie. im verhältnis zu
de spitze bin ich aber eher langsamer worde (20 punkt verlore). aber es füegt
sich wunderbar i mis palmares i: wieder es über-30km/h-renne und au über 700
pünkt. nimmt mich ja wunder, was denn züri nächschte sunntig bringt. chann ich
das jahr endlich au deht 30km/h-limite knacke?
