SIC Bern

z'meile hät's gregnet und ich han drum gar kei luscht gha, bis uf bern z fahre zum im rege go skate.

d luune hät sich bald verbessered. nach em erste tunnel sind d strasse troche gsi. in bern acho hani no uf em weg is village de erwin troffe. er isch eine vo de erste, wo ich im ITL kenne glernt han. jetzt han ich en aber scho lang nüme gseh gha.

bi de startnummereusgab hani erfahre, dass de service wo iguana ihrne chunde bütet erneut schlechter worde isch: unterwegs gänds sit neustem kei getränk me ab, defür sind d startgebüre ja au füf stutz türer worde. han fäng e mega wuet uf iguana. aber me chann ihre fasch nid uswiche, si hät ja ptaktisch es monopol uf de schwiizer inlinerenne!

bim start bini eigentlich chli z wiet hine gstande. han denn mich recht füre kämpfe müsse. nach de erste abfahrt hät sich aber afange e gruppe bilde. ich han tatchräftig mitgholfe, han de eint oder ander wo mir überholt händ buechtäblich id gruppe inezoge.

nach dem ich mich vom blitzstart wieder erholt gha han, hani recht e lockei zweiti und eigentlich au e easy dritti rundi gha. vorne a de gruppe hät?s öppe vier oder füf type gha, wo sich fasch um d füerig gstritte händ. und das bi ziemlich starkem wind! bi gegewind isch es fasch langwielig gsi hine i de gruppe z fahre. di vorderste händ aber wohl ziemlich glitte...

uf de vierte rundi isch denn chli me hektik uf cho. es händ sich glaub au zwei vorne absetze chönne. sicher bini aber nid, bin leider z wiet hine gsi zum das genau mit z verfolge.

am endi vo de vierte rundi hät d gruppe droht usenand z breche. han s deht i di vordere positione gschafft und han drum chli chönne luege, dass mir no all zäme id abfahrt sind. es isch es guets biespiel drus worde, wie sich zämearbet bezahlt macht: i de abfahrt händ mir de abstand zu zweine vor üs entscheidend verringere chönne. im tunnel händ mir s igholt und ihne aghänkt. de vorder hät üs über di ganzi brugg zoge bis an wendepunkt. denn isch die hinter ihm dra gsi. die hät d füerig au im harte gegewind nid abgä! han mich scho chli gfräged, aber nüt gseit, susch hett ich d arbet gha. am endi vo de brugg hät s mir denn glanged, sind fäng würklich langsam gsi. han si denn eifach überholt und mit mir di ganzi gruppe. das hani eigentlich nid welle, han mini chräft für de berg welle schone. trotdem han ich?s denn spielendscht gschafft, mit de erschte drü de ufstieg z meistere. bis zu de kurve obe, wo s flach wird und me glichziitig id zielgerade ibügt händ mir üs chli abgsetzt. ich han mit me rechte schlussspurt grechnet. die andere, eher vor mir, händ aber nid richtig s tempo azoge. das han ich denn churz entschlosse halt gmacht. und bin nid uf all zu grosse widerstand gstosse. eine hät mir einigermasse chönne und welle folge. bis er reagiert hät, isch de abstand aber scho z gross gsi. ich han s mir leischte chönne, scho 20 meter vor em ziel is usfahre überga...

mit de ziit vo 58.45,66 bini z?friede. han welle unter enere stund bliebe, das hät klapped. han gfunde s ?pries-leischtigs-verhältnis? hät gstumme: mit relativ wenig ufwand e ziemlich gueti ziit. zu minem streckerekord händ aber ziemlich genau drü minute gfehlt. und um ein läppische punkt han ich d 700er-marke verpasst. aber nach de viele schlechte renne zum schluss vo de letschte saison isch das en ganz en akzeptable start i di neui, findi.