pool, sehenswürdigkeit, feins ässe: am letschte tag händ mir nomal s ganzi programm dure gmacht.
zersch sind mir am pool gläge und händ nomal d ruhe und d sunne gnosse, händ gläse und "siedler" gspielt (mit de immer gliche siegerin).denn sind mir no as Cap de Formentor gfahre. das hät s wort "sehenswürdigkeit" würklich verdient! isch chli schad gsi, händ mir deht nid länger chönne verwiele. aber mir händ rechtziitig müesse im Ca'n Sim? si, wo mir üs en tisch reserviert händ. am vorabig hät s kei platz me gha!
mittlerwile sind mir wieder di hei und wenn alles ufgruumt und verruumt isch, stell ich denn no es album zäme, wo me di beste bilder uf ein blick aluege chann; und wo au die no platz händ, wo de "täglich eis bild"-regle zum opfer gfalle sind.
update, 09.04.2008 23:30 jetzt isch au s versprochene album fertig...