endlich wieder am start vo minem lieblingsrenne!
d strecki beinhalted alles, technisch chli anspruchsvolleri und sehr abwechsligsriechi teil mit kurve und gar me u-turn, aber au längeri geradene wo me mal chli schön "ziehe" chann und alles isch uf schönschtem asphalt. zudem hät's relativ viel zueschauer und d stimmig isch meistens sehr glöst. letschteres isch aber chli bedroht gsi vor em start, wil mir nid gwüsst händ, ob mir nid no mit räge rechne müend. ich bin aber optimistisch gsi.
am start händ's d lüt i blöck iteilt, allerdings isch mir zum teil chli es rätsel gsi uf grund vo welne kriterie. gstartet sind mir denn aber alli zäme. trotz de iteilig isch s tohuwabohu am start gross gsi und ich han die lüt, mit dene ich eigentlich skate han welle verpasst. im tümmel überhole isch schwierig und da ich ja nid so de schnellstarter bin sowieso.
so bin i denn i me grüppli skated wo wohl eher e chli unter minem niveau isch, für de tag aber gar nid so schlecht gsi isch. ich han recht guet chönne mitskate, ohni jemals angscht müesse z ha abghänkt z werde. jedi tempoverschärfig han i problemlos mitga chönne und lang aneghebed hät sie sowieso nie.
im ziel bin dementsprechend mit de ziit nid z'friede gsi, aber mit em wetter. das hät bestens mitgemacht und isch di ganzi nacht troche bliebe. so händ mir no chönne uf em zentralkasse öppis trinke und ässe, em start vo de bieler lauftäg zueluege und d guet gluunt is wuchenendi starte.