wo ich hüt nacht no dur züri hei gfahre bin, mit em auto, hät s richtiggehend gsträzt und mich gar nid agmacht zum skate.
 an vorderster front mit debi?  au no nach de wendi bim chinagarte!  oder viellich doch nid ganz...  und s team salomon am ilaufe... ohni mich?! |
s renne isch zum fahre aber recht agnehm gsi. ich han scho uf de 3 km lange start-schleife aschluss an es paar fahrer gfunde, wo in etwa mis tempo gha händ, hani denkt. aber am limit bini nid gsi. wo denn uf de erste rundi uf em mythequai eine a mir verbie gfahre isch und gmeint hät, ich seig doch de vo biel, isch klar gsi: da muess ich mit! er hät no en kolleg debi gha und so hät s es guets drüergrüppli gä. ich han also vornehmlich mit dene beidne mini wietere rundene zoge. üsi gruppe hät sich debi immer mal wieder vergrössered, wil mir welchi igholt händ, und ab und zue au verchlinered, wil mir anderi abghänkt händ. alles i allem isch es aber es guets tempo gsi. es isch nie s absolute liede gsi, aber ich han mich au sälte würklich glangwieled gha. d ziit isch denn au dementsprechend usgfalle. 40 sekunde schneller als i de grosse hitz vom letschte jahr. wenn me in betracht ziet, dass ich bis jetzt nur wenig und unregelmässig han chönne go skate, isch das doch ganz okay. immerhin besser als letscht jahr, au wenn um e (roti) haaresbereiti.
s gueti wätter isch üs aber leider nid für s ganzi race gönnt gsi: au mir händ uf de zweite rundi no en sprutz wasser abkriegt. aber me nid! es paar rägetröpfli als härtetscht. defür isch nacher denn s renne vo züri au würklich zu me "heimrenne" worde, mit vielne fans am strasserand, wo mich grossartig unterstützt händ. :-) bi de zweite durchfahrt vor em operehuus, han ich s mami gseh, was kei überraschig gsi isch. dass si claudia und de reto mitbracht hät, scho eher. und uf de dritte rundi sind denn no de silvan und d steffi bi de wendi am chinagarte uftaucht. er hät leider nid mitfahre chönne, wil er im moment viel für sini prüefige lerne muess. defür hät er die fotene uf dere siete gmacht. DANKE!