warum nur, muess me so früe ufsta zum an engadiner ga? das hani mi gester morge am 8i gfröged.
d antwort isch wohl simpel: wil me so lang fahre muess, bis me z st. moritz isch!
bis chur isch das gar keis problem gsi. nur d RhB isch scho nid ganz so konfortabel wie d
intercity oder au d S-bahne in züri. nichts desto trotz sind mir mit chli verspötig
 3600 skaterInne wartet uf de start...
|
denn am eis in st. moritz a cho und mit em nächschte bus is villiage. deht händ d sabine
und ich grad am igang de martin troffe, wo wieder für sportxx gschafft hät. er hät
üs gard mal mit popcorn ideckt und mir händ üsi täsche bi ihm deponiere chönne
(danke!). denn händ mir en chline streifzug dur s village gmacht und debi no cooli chleider gfunde.
rollerblade hät jetzt so en sexy zwei-teiler, wie ich en vo salomon han. aber vo salomon hani nur
en doofe einteiler gseh. defür hät iguana no alti SIC-shirts vo de letschte jahre zum spot-pries
usegrüert. aber ich han mis gäle 2002er nid ersetze chönne, da s nur no XL gha händ.
sehr schad, denn das hani eis vo de schönste SIC-shirts ever gfunde! defür händs vo de
2001er paari gha. deht isch es grad umgikehrt gsi: di hei han ich es überdimensional grosses gha
wo ich drum nur no sälte treit han. und jetzt hani eis, wo fasch chli z chli isch. han s defür
für schlappi füf stutz übercho. d sabine hät au grad zuegschlage und sich 2 shirts us
em 01 und em 02 kauft. d startnummere händ mir natürlich au no gholt, bevor mir wieder zu sportxx
zrugg sind, go üsi täsche und popcorn-nachschub hole.
d bus-fahrt vo st. moritz nach maloja isch mir wieder mal extrem lang vorcho und ich han mich gfröged,
ob ich das würklich skate will oder muen. aber es isch mir scho jedes jahr so gange. leider hät s
a üsem schöne plätzli "uf em stei" scho recht viel lüt gha und mir händ s
nid ganz so gmüetlich gha wie i andere jahr. iguana hät das jahr bi de WCs uf qualität statt
quantität gsetzt, was zur folg gha hät, dass e halb stund schlange sta nötig worde isch. so
isch d ziit bis zum start plötzlich knapp worde. zu allem überfluss han ich no d sabine verlore.
si wieder z finde isch natürlich nid grad e eifachi ufgab, wenn s knapp 3600 lüt hät, alli mit
de gliche t-shirt. so bini denn uf e ufwärmrundi gange und han mich denn in start-block gstellt. das
heisst, eher id schlange dezue: de ersti startblock isch chli z chli konzipiert gsi, es händ bi wietem
nid alli platz gha, wo deht ine müesse hetted! aber es isch denn ja nid vo deht us los gange, sondern
mir händ denn no gmeinsam müesse langsam ad startlinie rolle, nach dem d weltelite und d team-fahrer
los gleit gha händ.
mit chli verspätig isch es denn los gange, bi herrliche bedingige: sunneschie und chli ruggewind.
endlich! di erste kurve nach em start
|
gfühlsmässig sind mir mit horrendem tempo los und ich bin scho vo afang a i me bereich gfahre, wo
ich denkt han, meh wäri nid guet. nach 18 minute sind mir bi 10km verbi, nach öppe 25 dur st. moritz
grast, wos mega viel lüt a de strass gha hät, wo üs herzlich unterstützt händ. denn
eimal um d sportalag in st. moritz, denn grad uf de bahnhof und di gfürchteti abfahrt zue. ich han de
teppich rechts gno, mis läbe isch mir z viel wert. han so no s gfühl gha, relativ schnell z sie und
d bei ruhig z halte isch no immer gnueg schwer gsi. natürlich han ich mich scho chli duckt und une i de
ebeni nacher, han ich denn au s erschti mal mini oberschenkel recht gspürt. deht isch es denn au chli en
kampf um d gruppene gsi, da sich i de abfahrt alles ufglöst hät. denn isch bald di chlini stiegig
nach pontresina ufe cho. au es highlight vom engadiner, da s viel publikum deht hät und s di einzigi,
liechti stiegig isch. für mich immer e glägeheit zum viel lüt z überhole. han deht es guets
zugpferdli gha. i de abfahrt hät sich es netts grüppli bilded. so sind mir mit aständigem tempo
wieder vo pontresina abe, a de viele lüt und de chueglogge verbie (was wäri en engadiner ohni
chueglogge!?) dur de chreisel, wo s s erschti mal kei gfährlichi szene gä hät, wil schön
alli im reiheli bliebe sind. denn uf di langi ebeni is niemandsland use. irgendwenn über s brüggli,
schlechte asphalt und spöter wieder guete.
kilometer 30, churz nach pontresina, händ mir nach ca. 55 minute passiert. also immer öppe 18
d mannespitze in silvaplana
|
minute pro 10 kilometer. so han ich mir für 40 km e ziit vo 1:12 und no 2x1.8 min für di letschte
2 km, was e ziit vo guete 1:15.40 gä hetti. nur leider sind di letschte 12 km di härtischte: deht
git s praktisch kei schnelli abfahrte me, zudem wärded bei denn au langsam müed. und, nach pontresina
händ mir definitiv gegewind gha, mindistens en stuck. so isch denn halt ebe doch nüt us de glanz-ziit
worde und ich bin mit 1:18.28 sogar 8 sekunde langsamer gsi als letscht jahr.
d sabine hät im ziel gar keis fründlichs gsicht gmacht: si hät vo me sturz und enere lose
nün usriesser...
|
schrube z verzelle gwüsst. und natürlich denn nur no langsami mitfahrer gha. d zugfahrt hei isch
für si denn au alles anderi als luschtig gsi, denn d schürfig, trotz hose, isch genau deht gsi, wo
normali mensche drufsitzed... ich han si denn leider nüme bis uf züri chönne moralisch
unterstütze, denn ich bin z malans usgstiege und zu mim cousin martin, wo ich zu me superfeine z'nacht
iglade gsi bin. nach viel wii und zu später stund händ mir, d claudia und de felix sind au no deht gsi,
denn entschide, dass mir z malans übernachted.
wo ich denn hüt d lauf-ziit gseh han, bini zersch scho chli entüscht gsi. aber wenn ich s mit de
...schaffeds nach 54.56,87 als ersti is ziel.
|
andere fahrer vergliche, channi doch z fride sie: ich bin gegenüber de spitze schneller worde und han au
im engadin emal 700 punkt erreicht, 46 me als letscht jahr. und ich bin ganzi 200 plätz besser worde. was
für mich aber es rätsel bliebt, isch d frag, warum s renne das jahr so viel langsamer gsi isch! letscht
jahr hät s ja am schluss gar no gregnet, was sich eigentlich immer negativ uf ziite uswirkt. oder macht die
rundi um de sportplatz in st. moritz so viel us? so oder so isch es wieder mal geil gsi! beschts wätter und
es hät au spass gmacht, zietewies am limit z fahre, ohni s je z überschriete!
