die toten hosen live! - exklusiv und us de erschte reihe!
eigentlich bini ja nid so de open-air-fan. ich lose viel z selektiv musik und au
vom zelte halt ich wenig. aber de felix hät das jahr stechendi argument gha: d
hosen und the offspring als bands, s hotel zum dusche und übernachte und presse-päss
mit zuegang zum VIP-bereich statt türe tickets. so han ich mich also zu dene mini-ferie
de felix und ich uf em suschte am seich mache... |
im wallis überrede la - und han s au nie bereut. nach dem ich am fritig morge endlich
mal wieder recht usgschlafe han, hät mich de felix abgholt und mir sind über de
susschte und de grimsel is wallis abe düsed. wer vo üs me freud am pass-fahre
gha hät, muess ich da ja wohl nid genauer erlütere.
i de pension händ mir mal gschnell di vorige chleider abglade und üs open-air-tauglich
gmacht. bändeli am arm und pressepass a de gürtel-schlaufe, sind mir uf s
open-air-gländ gfahre. parkiert händ mir direkt vor em igang. nach dem mir
üs uf em gländ mal churz umgseh händ und de felix sin foti-pass abgholt hät,
händ mir üs mal e pizza gönnt. eigentlich händ mir de abig mit warte uf s
hosen-konzert verbracht und sind so au hüfig im VIP- und media-corner umeghängt.
de felix hät deht viel bekannti troffe, wo er vom fötele a andere open-airs kennt
hät. aber au für mich hät sich s glohnt deht z sie. mal abgseh devo, dass es
viel ruhiger gsi isch, in jeder hinsicht. nichts böses ahnend sitzed mir also vor em zelt
wo s VIP-restaurant darstellt. und wer chunnt da doch plötzlich us em künstler-igang?
de campino himself! ungläubig bin ich deht ghockt. de felix hät gmeint, ich söll
doch go es autogramm hole. ich han denn aber chli zögered. das nervt ihn doch sicher! wo
the little drummer boy and me |
chli spöter aber no de vom und de kuddel cho sind, han ich aber nid andersch chönne.
ich bin ihne na glatscht und han de vom agsproche, ob er mir nid en "favour" mache
chönne. "sure" hät er gmeint und grinst! nett isch er denn mit mir us em
zelt use gspaziert, zum felix und de hät üs grad wieder ine gschickt, da s drinne s
besseri liecht hät. worüber mir greded händ? natürlich über s haar
färbe. er färbt s überigens sälber, und hät gfunde, es gängi
eifach amig chli lang. chann ich versta. nach dem de felix also üses treffe fotografisch
fest ghalte hät, hät er no jenschte andere müesse autorgramm verteile. im erste
moment han ich mich ufgregt, dass ich s schwarzi hosen-liebli a gha han. han denn aber d idee
gha, uf de presse-pass unterschriebe z la. das isch e viel besser, de muss nämlich nid
id wöschmaschine und isch no chli es spezifischers erinnerigsstuck. nach dem de
"little drummer boy" (er isch sogar chliner als ich!!) all autogrammwünsch
erfüllt hät, hät er no gfräged, ob ich "after the show" au no
uf es bier chäm. natürlich... denn isch er zu de andere hose go ässe. und deht
vo wietere fans belagered worde. mir händ brav gwarted, bis si sich vo de tafle erhobe
händ und uf em usewäg a üs verbi cho sind. natürlich händ au di
andere üs d autogrammwünsch erfüllt und min presse-pass hät bald füf
unterschrifte gha. aber de campi, de sack, hät sini unterschrift quer über die vom
vom hinwäg gmacht! bim use ga hät mi de vom nomal a grinsed, ob er das mit em bier
ernscht gmeint hät?
währed em warte uf s usega vo de hosen isch no was anders luschtigs passiert. staht
doch plötzlich es blonds wallisermeitli näbed mir und hebt mir en schrieber entgege.
si stammled nur grad knapp "tote hose" - halt i ihrem dialekt - ich bin zersch nid
drus cho. han ihre denn erklärt, dass die am tisch deht äne sitzed. und erscht nacher
gschnallt - und mich mit em felix kapputt glacht, dass si wohl gmeint hät, ich müss
wär ganz genau hi luegt, chann alli füf hose gseh! |
ihre es autogramm gä. da hät wohl mini schwiizerdütschi antwort nid so is bild passt.
nach dem d hosen denn also gässe händ und de VIP-bereich verla händ und sich
i di effektivi backstage-zone zruggzoge händ, sind de felix und ich nomal zum auto zrugg.
s wätter hät sich dütlich verschlächtered. mir händ d rägejagge
gholt und de felix hät no e zweiti kamera i packt. sicher isch sicher. denn sind mir wieder
zrugg und händ no im media-corner d foto-lieste agluegt. de felix hät d erlaubnis
übercho, als eine vo weige, zum au am hosen-konzi z fötele! wie üblich,
während de erste drü stück. ich bin denn halt scho mal go asta, han welle us
nächschter nächi debi si, wenn de vom uf d drumms haut! ganz füre hät s nid
glanged. und es hät denn tatsächlich au afange regne. so händ mir e halb stund
usharre müesse. bis de vom und co. (er chunnt traditionell als ersts uf d bühne) los
gleit händ. pünktlich uf s konzert hi hät s au ufghört rägne. ihren
uftritt isch bestens inszeniert gsi. zu de musik vo "Spiel mir das Lied vom Tod" sind
s uf d bühne cho und händ mit "Hier kommt Alex" grad erschti hit dur s
wallis ghämmeret. aber nid nur d hosen händ recht los gleit, sondern au s publikum.
de campino, no vor sinem "usflug" |
pogo vom härtischte, für d "szene-kenner", für di andere übles
gschupse und gehopse. immer wieder de kampf gege s umfalle und s ufstelle vo sotige wo gheit
sind. dezwüsched mal no en ellboge i de fresse und ab und zue no en schue vo me crowd-surfer
am grind. isch glaub mis härtischte konzert gsi, wo ich je erlebt han. und kein verglich
mit me ZIHL-hockey-spiel! irgendwenn isch denn de felix hinter mir uftaucht, kei ahnig wie er
sich nach de foti-session no deht füre kämpfe hät chönne! ich han aber
längstens mir es neus ziel gsetzt: z vorderst füre! nach de obligate, aber das mal
churze pause, han ich s denn plötzlich gschafft: ich bin z vorderst am gitter gstande. han
mit de securities chönne flirte und em campino sini turnüebige us nächschter
nächi chönne bestuhne. unglaublich, die energie wo de hät! bi de zuegab isch denn
wohl au de höhepunkt cho. er hät sich vor s publikum gstellt und es bier i d höchi
ghebt. das müessi deht z hinderst hindere, zu sinem fründ tom - en engländer.
das er mit em bier mit ga will, hani im erste moment nid gschnallt, obwohl ich demit grechnet
han, dass er no is publikum springe wird, wil er s liebli abzoge hät. er hät sich
de campino mit de fackle uf em trum. naja, es brucht chli fantasie, aber es isch halt dunkel gsi... |
denn also tatsächlich vom publikum über s ganzi festiva-gländ träge la,
bis er hine a cho isch, bi dem turm, wo wohl für techniker isch. d chlätter-ilag
hät au nid fähle dörfe. er isch bis uf s dach vo dem ding ue, hät dobe e
bengalischi fackle a zündet und isch im takt zu de musik ume ghüpft. ("ich bin
noch keine sechzig, und auch nicht na dran..."). am schluss vom lied hät er gmeint,
er hoffi dass mir ihm uf em zrugg-wäg au wieder so hälfed, mir seiged bi dem stuck
ohnehin viel textsicherer als er. (bi de jägermeister hät er au tatsächlich di
ganzi zweiti strophe verhängt!) während di andere vier hosen "Bis zum bitteren
Ende" agstimmt händ, isch er wieder vom dach abeklättered, hät sich vom
für ihn singende publikum zrugg träge la und isch grad uf de schluss vom lied zrugg gsi.
de campino hät denn, bevors es gspielt händ, akündet, dass usnahmswies
"You'll Never Walk Alone" nid s letschti lied isch. nach er, isch no d überraschig
vom abig cho. e walliser guggemusig hät e version vo "Hier kommt Alex" istudiert
und vortreit. zur allgemeine beluschtigung. d hosen händ s glaub au witzig gfunde und de
vom hät s gnosse, dass er eimal nid hinter em schlagzüg, fern ab vom publikum sitze
muess. so hät er em campino sin job überno und no vorigi bier-dose is publikum
grüert, di zweiti ladig isch er denn cho cho verteile. mir hät er persönlich
eini id hand druckt. da han ich natürlich au als nicht-bier-trinker en schluck müesse
nä, bevor ich d dose denn wieter gä han, wie sich s ghört. dass das s bier isch,
wo mir denn "after the show" no zäme drinked, hett ich nid denkt. jedefalls isch
nach ihrem konzert im VIP-bereich ziemlich sehr tote hose gsi. si sind denn glaub direkt uf
züri zrugg gfahre, wo s anschienend i dene täg logiert händ. am samschtig
händ s ja no in tuffertschwil gspielt.
nach dem hammer-fritig hät de samschtig ja gar nüme richtig guet wärde
chönne. drum halt ich mich da au churz: ich han mal chli me als nur "I schänke
dir mis Härz" vo "Züri West" ghört. wahnsinnig begeistered
händ s mich aber nid. vonere bühne-show und action isch wenig ume gsi. positiv
überrascht händ denn "The Rasmus". die han ich vorher praktisch nid kennt,
han s aber no geil gfunde. durchzoge isch d billanz vom "The Offspring"-konzert gsi.
si sind de offizielli höhepunkt vom open-air gsi. offiziell, wil ne d hosen locker de
rang abglaufe händ, wie au d
gampel-homepage seit.
deht chann s publikum abstimme, wer de besti act gsi isch. d hosen füered momentan mit
39% vor Ska-P (17%). aber "The Offspring" hät recht au grockt. es hät sich
bim konzert denn usegstellt, dass ihres "smash"-album no immer s bekantischti isch.
jedes mal wenn es stuck vo dere schiebe cho isch, hät s en ruck gä im publikum und
all sind no chli me ab gange. de schluss- und absoluti höhepunkt isch denn, wen
überrascht das no, "self esteem" gsi - ja, genau das wo mit "lala-lalala" a fangt. d entüschig am konzert isch aber d dur gsi. grad mal knapp e stund händ s es uf de bühne us ghalte. me muss ne defür z guet halte, dass es praktisch pauselos dure gspielt händ. chum en spruch zwüsched de stuck, eifach immer vollgas!
