SIC Biel 2005

Worst Case Scenario

hüt isch also d inline renn-saison 2005 au für mich los gange.

hellplau isch "trendfarb" vo dere saison

de SIC biel isch uf em programm gstande. er hät no nie zu mine liebling ghört. au das jahr han ich minere inline kariere a de sprachgrenze en wietere tüfpunkt agfüegt.

eigentlich han ich ja gwüsst, dass ich nid in form bin. han viel zwenig (gueti) spinnings gha in letschter ziit. au bim ifahre han ich gmerkt, dass bei nid so guet sind. trotzdem han ich mich bim start vo de andere verleite la. ich bin am stephan dra bliebe, obwohl ich gwüsst han, dass das tempo für mich z hoch isch. das hät natürlich bestraft werde müesse. uf de zweite rundi hät sich nach enere kurve e lugge vor mir uf tue. ich han lang kämpft, sie aber nüme schlüsse chönne. probiert han ich s dummerwies viel z lang. ich bin nacher so am endi gsi, das ich ufghört han z skate.

natürlich sind schnelleri gruppe a mir verbi zoge. han mit em gedanke

so schnell wie die bini ebe nid gsi...

a s ufhöre gspielt, was mir sid ewig nüme passiert isch. jedefalls chann ich mich a s letschti mal nüm erinnere. später han ich wieder unterschlupf inere gruppe gfunde, han aber au nid s ganze renne mit dene fertig fahre möge. han au die wieder zie la und für di letscht rundi nomal e neui gruppe gha.

je wieter hine ich gsi bin, desto schwerer isch es natürlich au worde. d lüt skated immer schlechter, weniger regelmässig und es wird schwerer zum ufschlüsse.

so isch ja klar, dass s resultat schlecht worde isch. 1:20.45,89 isch di schlechtisti ziit, wo ich in biel i drü versüech gfahre bin! s positive dra isch, dass ich nid ufgä han und ich wohl au säge chann, dass ich alles gä han. di hintere oberschenkelmuskle schmerzed au drü stund später no immer no so sehr, wie scho eeewig nüme.