mit echli verspätig erschient also de zweiti itrag uf minere
technisch wäri si scho vor einere wuche parat gsi. si hät, wie viellich gmerkt häsch, lieber bsuecher, jetzt au würklich e homepage übercho. die unterscheidet sich dadurch vo de "normale" textsiete, dass si no di neuste kommentär zu bilder und text, sowie die z'letscht veröffentlichte text azeigt.i de letschte ziit han ich mich aber nid nur mit minere homepage befasst, sondern au no mit dere vom AMOK. da staht de release vo de neue siete churz bevor. ziemlich erfolglos sind di letschte hockeymätsch gsi. i vier spiel hät s drü niederlage und de abstieg gä. immerhin han ich s no uf zwei goal bracht, würdi die aber sofort gege zwei sieg itusche - hockey isch immer no en mannschaftssport.
defür isch bisher d diplomarbeit um so erfolgriecher verlaufe. scho i de hälfti vo de ziit händ mir alles das erreicht, wo ursprünglich emal als ziel für di ganzi ziit planet gsi isch! nimmt mich wunder, was mir i de zweite hälfti vo de ziit no mached und erreiche chönnd. bis anhin isch es jedefalls spannend gsi und hät spass gmacht. aber überarbeitet han ich mich debi nid!
als nächsts staht jetzt denn s fascht scho traditionelle guetsli bache a. di dezue no fehlende persone, d olivia und s mami, sötted mir em nächschte zug cho. planed sind au das jahr 10 sorte! mal luege, wie viel devo mir anebringed, bis am sunntig abig.
es bliebt no, dir e gueti wiehnachtsziit und denn frohi festtäg z wünsche!