züriseerundfahrt

jedes jahr mach ich das eimal: mit de inline skates um de ganzi zürisee fahre.

das sind immerhin knapp 70km und isch eini vo de längste streckene, wo ich fahre. bisher isch nur de one-eleven länger gsi. obwohl d strecki um de zürisee sich so quasi us zwei vo mine drüne trainingsstreckene (di ober und di under seehelfti) zämesetzt, isch das für mich immer wieder öppis bsunder. es isch wie chli mis eignige renne, zwüsched allne SIC-renne, mit hunderte und tusige fahrer. quasi en DIC. ;-) deht fahr nur ich und nur ich gege mich (und d uhr), resp. mini vorjahrersziite

natürlich gane ich amig nid ällei. so lang ällei underwägs z sie, isch sälbst mir z langwielig! ich nime immer öpert mit. allerdings sind das immer velofahrer oder velofahrerinne, wo kei windschatte gänd! es git nur chli moralischi understützig und chli liecht. das isch wichtig, denn ich gane, vorallem us vercherstechnische gründe, eigentlich immer i de nacht. um di 10i gahts amig los.

2002 isch nid so es guets jahr gsi. ich han afangs august e starchli, langwierigi mageverstimmig gha und han so nur eimal und unter widderige umstände chönne ufbreche. nur eimal: eigentlich wäri no planet gsi, mit em silvan e zweiti rundi z drähe, wo er au uf de skates mitchunnt. zum luege, wieviel ziit me uf die strecki usehole chann, wenn me windschatte fahrt.

2003 han ich s denn endlich gschafft, je nach interpretation mit einem oder zwei jahr verspötig. aber das isch jetzt egal. d 3-stunde-grenze isch knacht. und das denn nid all zu knapp. um über 10 minute han ich si unterbote, was ich mir vorher nid träume la hetti. han mir e ziit vo 2:55 erhofft. gegenüber de vorjahr isch das e steigerig vo sage und schreibe 12.42,4 (resp. 14.06,8) minute!

2004 han ich di bisher (und wohl no lang) exklusivsti begleitig gha: de ueli isch en ironman, und zwar mit guete ziite. für ihn isch die seerundfahrt drum au me regeneration als useforderig gsi. mich hät de "edel-helfer" aber extrem agspornt und inere schöne nacht zunere neue bestziit triebe. obwohl ich en lange tag hinter mir gha han, wil mir üs erst am nomittag zu de rundfahrt verabredet händ...

2005

2006 de räge hett die rundfahrt fasch verhindered. aber nume fasch. details.

2007 di 10. seerundfahrt! zu dem alass han ich s erschti mal anderi skater zum mitfahre iglade. meh!

2008 isch nach em motte "besser spät als nie" gsi. bricht läse.

2009 once again. and once again faster! 15 minute schneller als je zuvor, 20 minute schneller als mini besti einzelziit. s dream-team for ever?

2010 trotz drü chline unterbrüch hät s "dream-team" sich ganz guet gschlage und d rekordziit vom vorjahr nume grad um 111 sekunde verpasst. bricht läse.

2011

2012 bricht läse.