s letschti mal irucke

d iruckigsziit isch human gsi. ob das es guets ohmen isch? jedefalls isch min zug am 9 ab 9i im HB gfahre.

am 11i händ mir deht si müesse. wobi "mir" en teil vo üsem zug gsi isch. denn sind mir begrüesst worde, händ material gfasst (taz, rucksack, lüga, gamelle. s übliche). denn hät s z'mittag gä, am viertel ab eis d starchstrom-prüefig (en wachmeister hät d lösige abegläse und mir händ s agchrüzled).?

20 ab zwei isch denn de nächsti treffpunkt gsi. mir sind mit me lastwage paar 100 meter wieter is tech-mat-mag gfahre. deht händ mir chli material kontrolliert. nach einigem umestah und chli plaudere isch das denn in en lastwage verlade gsi. mir sind in en zweite laster gstiege und so isch alles vo waldstatt uf st. galle verschobe. deht händ s scho e wach igrichtet gha und si händ nur die inela, wo i me computer erfasst gsi sind. das sind siebe vo siebzäh gsi. ich han dezue ghört. di andere sind was weiss ich wo ane, mir händ denn s material abglade. de ganzi vermittlergrümpel in es rüümli im bunker, d richtstrahlstatione i me ruum z'oberst unter em dach. deht wo de usgang isch, zum uf s dache ue cho. alles genau wie letscht jahr. wo mir fertig gsi und scho wieder uf em laschtwage ghocked ssind, hät s gheisse, mir müessed nomal cho. mir händ müesse uswies ha, zum in zuekunft in ach so gheime bunker ine. zudem händ mir müesse wiesige läse und unterschriebe, dass s ine bringe vo speichermedie (handy, fotikameras etc) verbote isch.

denn händ mir s material vom vermittler nomal in em andere ruum bracht. ich bin mir aber ziemlich sicher, dass morn die wo de vermittler ufstelled, de zersch wieder zrugg zügle müend. am halbi 6i sind mir grad rechtziitig zum z'nacht wieder zrugg gsi.

am zeh vor siebni isch av gsi. ohni mich. han leider s nötige material nid debi gha, woruf abe ich das go hole bin. denn händ s üs uf d lastwege verlade. bis mir richtig fahnetürk ufbroche sind, isch es 19:25 gsi.

de ganzi spass isch den z herisau über d bühne gange. was de neui bat kadi botte hät, isch vorsichtig gseit blamabel gsi. zum glück muss ich de keis zweits mal meh alose.

nach dem mir zrugg cho sind, isch allgemeini konfusion gsi. nach em erschte beizebsuech isch denn no di üblichi mäntig-abig-kadi-powerpoint-präsi gha. hauptthema: urlaub. zum schluss no de schocker: ich muss no en ics fasse. das han ich scho sit jahre nüme gmacht und hett ich mir au i dem WK gern erspart.