auto miete isch ähnlich schmerzvoll wie flüge
z'morge händ mir üs nur no im hotel-eigene starbucks gönnt, zum chli ziit z spare. eigentlich hetted mir uf di 10i chönne (sölle?) go s auto abhole. es isch denn doch einiges später worde. mir händ no lang d route uf google-maps studiert und ich han no de letschti punkt vo de olivia ihrere ichaufslischte abgarbeitet. im dritte alauf hät s klapped. bi de erschte beide mal, han ich us verschidene gründ nid gwüsst, welles produkt si genau hät welle...bi de autovermietig acho, hät de nerv agfange. e langi schlage und ei person am schalte. nach enere gfühlte ewigkeit sind mir dra cho. vieles hät nid klapped. zersch hät si gmeint, mir heiged s auto für en tag weniger bueched und händ no welle, dass mir nazahled. denn hät si keis GPS gha, obwohl voruszahlt und bueched. d lösig isch schlussendlich gsi, an flughafe abe fahre, in e anderi filiale, go es GPS hole. üses pech isch öper anderem sis glück gsi: er hät sini täsche im auto vergässe. die händ mir denn am flughafe zrugg gä und s GPS defür übercho. da mir üs no verfahre händ und denn wieder zrugg händ müesse, sind mir erscht am frühnere nomittag uf de plante strecki gsi.
Grö?ere Kartenansicht
die isch aber würklich schön! me hät fasch immer sicht uf s meer, kilometer langi sandstränd und steili klippe. aber niened baded d lüt: es isch eifach z chalt. defür git's deversi stelle, wo chli "surfer's paradies" z si schined. wobi surfer im moment vor allem kite surfer sind.
da mir in santa cruz no recht im stau gstande sind, sind mir trotz nur ganz churze halt erscht am abig am 6i im hotel vor monterey acho. deht händ mir denn au en usgiebige z'nacht gässe, mit direkter sicht uf s meer. wenn s nur chli wärmer wäri, denn wär's wohl würklich en super platz und schad, müend mir nach nur einere nacht wieder wieter. aber bi dene temperature han zumindest ich, kei luscht uf es bad im pool, geschweige denn im meer.
Kommentare
nei, wäge dem händ mir nid viel ziit verlore. de lade isch eigentlich grad näbed em hotel gsi. weniger als 5 min z fuess. aber s iPhone hät dis word-file a genau dere stell nid läse chönne. denn han ich de text in notitzblock kopiert. am nächste tag bini in lade um fest z stelle, dass ich vergässe han, de notitzblock z synchroniere. denn bini halt zrugg is hotel, zum de sync mache, und denn no es dritts mal in lade grennt...
Ui händ ihr viel Ziet verlore wege mim Ichaufslisteding? Han de Name gnau so gschriebe, wie er uf der Homepage gstande isch...das mit em Auto isch wükli nervig und au chli ärgerlich, zum Glück häts schlussendlich doch klappet und ihr sind dur die schön Fahrt a de Küste entlang quasi entschädiged worde ;-)