s zweite swiss skate tour renne isch bereits s letschte gsi für das jahr. zwei renne händ ohni mich müesse stattfinde, zwei wieteri sind corona zum opfer gfalle.

es git einigi parallele zwüsched minem erschte und zweite isatz: beidi renne sind vom inline-club mittelland organisiert worde, beides mal besti wetterverhältins mit me sunne-wulche-mix bi agnehme temperature um di 20 grad. beides mal es uf minem niveau eher dünn besetzts feld. dasmal han i aber gwüsst, mit wem ich fahre möchti: de wo mich s letschti mal stah lah hät. ziel: das mal mag i mit!

nach fasch einem jahr pause hät‘s wieder emal es inline-renne gä. und quasi sgliche wie letscht jahr: mittellandrollt. es isch aber einiges andersch gsi als letscht jahr. vor allem s wetter und d strecki.

2020 wird wohl nid als grosses sportjahr i mine erinnege bliebe. corona hät nid nur de wettkampfkalender, sondern au mini arbeitssituation und de sport ziemlich durenand bracht.

zwei swiss skate tour renne sind am schluss no i minem kalender überig bliebe. s erschte hät aber mit me bsuech kollidiert. so bin ich vor de frag gstande: rägerenne ushalte oder s erschti mal sit 1998 agfange han e keis inline-renne bestriete. kei schöni ussichte. ich han mich für de sport entschiede.

bsunders abergläubisch bin i nid. aber dass 13. nid immer e glückszahl isch, hät sich mindestens bi minem „berlin marathon zähler“ bewahrheitet.

die vierti etappe vo de swiss skate tour isch bereits di letschti gsi, vo dere minimal-usgab 2019.

de 22. linthmarathon isch mini 13. teilnahm gsi. aber gfühlt eine vo de strengste. s wetter hät super mitgmacht, mal abgseh vom gegewind wo mir uf de erschte streckehälfti gha händ. ob de, oder d form dra schuld sind, dass s renne hät gis isch, lahn i a dere stell jetzt gern mal offe.

nach zwei jahr pause isch mal wieder en triathlon agseit gsi. insbesondere, da er quasi vor minere huustüre stattgfunde hät. bim istieg in nur grad 17 grad chalte zugersee han i mi scho chli gfräged, warum genau mach ich das jetzt? ich bin uf jede fall froh gsi um de neopren. und denn isch es au scho los gange! ich han aber no chli mit mir und em equipment kämpft. ich han zersch nid so richtig guet chönne schnufe und fasch nüt gseh. d brülle isch mir aglaufe und hät wasser drin gha. und das, obwohl ich am abig vorher no so spray dri tue han. nach dem di beide boye nach ca.

ob s wetter mitmacht, isch die bangi frag vor em start gsi. d antwort isch knapp aber positiv usgfalle. es hat gege de schluss vom renne e chil tröpfled, aber isch eigentlich troche bliebe. mindestens bis mir im festzellt bi bratwurst und brot gsässe sind.