speedskating

nach füf verpasste one-elevens han ich das jahr wieder emal d useforderig agno. vor sechs wuche no unvorstellbar, jetzt aber ei erfolgsstory.

zwar mit enere super form und de immer no adurende euphorie vo de seerundfahrt, aber eigentlich eher zu trainingszwecke bin ich uf biel greist.

zwei wuche wk, bluetspende und nur en churze wuchenendurlaub vo 24 stund sind kei gueti rennvorbereitig. aber immerhin händ die 24 stund glanged, zum am renne teil z nä.

es isch es prachts wetter gsi das jahr. d sunne hät bi herbschtliche temperature gschunne, de traum vo jedem skater!

druf gfreut han ich mich zwar scho lang, dennoch han ich bis gester abig nid gwüsst, ob ich gange: d begleitig hät gfehlt.

nach de weniger berauschende trainigs vo de letschte ziit, uf die ich da nid genauer iga möchti, isch d motivation für s hütige renne nur mittelmäsig gross gsi. de start isch aber nie in frag gstande.